Fai un mes puxemos o noso gran de area para que unha das participantes deste proxecto puidese seguir tendo acceso ao seu fogar a través dunha rampa que permite entrar ao domicilio sen usar as escaleiras. Trátase dunha persoa que a miúdo ten moitas dificultades para acceder e a nosa aportación vai diso, de favorecer o acceso, de manter, de dar a oportunidade e de propiciar que as persoas poidan seguir nos seus fogares e polo tanto na comunidade.

Por un rural accesible e habitable!

Esta acción enmárcase no proxecto #BIOCOIDADOS: NOVOS MODELOS DE COIDADO PRESTADOS POLA COMUNIDADE, CENTRADOS NA PERSOA, EN CONTORNAS RURAIS; está vinculado ao Plan de Recuperación Transformación e Resiliencia do Ministerio de Dereitos Sociais e Axenda 2030 e financiado pola Unión Europea- Next GenerationEU, proxecto piloto promovido pola Confederación de Centros de Desenvolvemento Rural (COCEDER)