Accesibilidad

Noticias 

© CDR O Viso | 16/11/2022 | EIF

O programa de Educación Infantil familiar na Limia medra cada ano

Dende que comezou en outubro conta cun total de 150 persoas participantes

01/10/2022 - 30/06/2023

Cun total de 9 grupos formados en diferentes concellos da comarca da Limia: Perrelos (Sarreaus), Baltar, Vilar de Santos, Rairiz de Veiga, Vilar de Barrio, Sandiás, Trasmiras, Xinzo de Limia…  nestes encontros participan persoas das aldeas de cada concello e/ou doutras limítrofes.
Dende comezos de outubro co inicio do novo curso 2022/2023 están inscritas no programa un total de 150 persoas entre nenxs participantes e os seus familiares. Quincenalmente reúnense con Anabel -a persoa coordinadora das sesións- e comparten unha tarde de xogos, reflexións, inquedanzas, cantigas, contos e moitas aprendizaxes.
Un servizo socioeducativo de apoio ás familias coa posta en marcha destes espazos de encontro educativos. Encontros cos que pretendemos potenciar unha parentalidade positiva nos que participan as familias e as crianzas e una profesional do CDR, mediadora de interaccións entre adultos e nenxs, promotora de reflexións educativas sobre estilos e pautas de crianza.
Aínda estás a tempo para participar: se te animas contacta con nós!
Esta é unha actividade que é posible grazas ó financiamento obtido da Consellería de Política Social da Xunta de Galicia a través da subvención destinada a programas de interese xeral para fins de carácter social con cargo á asignación tributaria do 0,7% do imposto sobre a renda de persoas físicas.

Lugar de celebración:

Arquivada en:
Infórmate > Axenda de Actividades