Vídeos
A continuación presentámosche os 5 vídeos máis recentes.
Utiliza o pasapáxinas para acceder á colección completa ou o buscador se o que queres é localizar vídeos que cumpran uns criterios específicos.
29/08/2023 | 2:55
Estou na lavadora
Videoclip: CDR O Viso Concilia Agosto 2023
https://www.youtube.com/watch?v=oELQT3-LKyg
Arquivado en:
Infórmate > Vídeos
28/08/2023 | 2:25
Pequeniño resumo da nosa participación na Feira do Comercio Prolimia
Aquí un pequeniño resumo da nosa participación na Feira do Comercio Prolimia. Foi unha finde fermosa de encontros, de risos e, sobre todo, de compartir.
PRO LIMIA - Asociación de empresas e comercios da Limia
Despois destes tres días de participación na feira do comercio de PROLIMIA facemos unha valoración moi positiva das vivencias que alí se deron. Aínda que poidera parecer que o noso encaixe nunha mostra do comercio local non era moi atinada, resulta que se deron cousas como:
-Que participantes nos nosos programas viñeran amosar que son parte do CDR, e que así o sintan
-Que moitas veciñas e veciños aproveitasen a saudarnos e agradecernos/recoñecernos o traballo que facemos
-Que outras persoas nos puxesen cara
-Que houbese xente de calquera idade xogando cos enredos populares, ou nos caixóns das texturas… e mesmo as que trouxeron botes da casa para facer os ecosistemas
E, sobre todo, atoparnos entre as persoas do equipo -moitas sen cadrar habitualmente nos traballos diarios- e coñecernos un pouquiño máis, rirnos coas numerosas anécdotas que alí se deron e comprobar que somos boa xente traballando coa xente. Graciñas por convidarnos a Prolimia e graciñas a todas e todos por estar alí e facelo posible, a quen pasou saudar, a quen estabades facendo o traballo que non pode parar e a quen non puidestes vir desta vez. Por moitas máis!
Arquivado en:
Infórmate > Vídeos
15/08/2023 | 4:04
Concilia Quérote Máis- O Sonoro Maxín
Canção: Quérote máis
Disco: A onda sonora (chega do interior)
Grupo: O Sonoro Maxín
Web: http://osonoromaxin.com
Myspace: https://myspace.com/osonoromaxin
Videoclip: Concilia de Lodoselo Agosto 2023, CDR O Viso.
Nota: A canção é uma tradução do tema em euskara 'Maite zaitut', dos palhassos Pirritx eta Porrotx. Musica: Xabier Zabala
Letra:
Tenho sonhos de colores quando não podo dormir,
sigo esperto toda a noite e não deixo de bulir,
dando voltas no meu leito, tenho ganhas de voar,
sai-me o coração do peito, seica poderá estoupar.
Quando facemos o pino, a limpar no céu os pés,
ou botamos aturujos antes de que passe o trem,
quando che dou a pulseira feita com mil alecrins,
miro-te aos olhos de cote para poder-che assim dizer...
Quero-te mais, quero quero-te mais
que a tortilha de patacas com jamão,
quero-te mais, quero quero-te mais,
cada vez que me lateja o coração.
Tenho na boca um sorriso e nos olhos um candil
que ninguém pode apagar quando corre junto a mim,
o meu corpo treme inteiro, tremem pernas, tremem mãos,
sai-me o coração do peito, seica poderá estoupar.
Ao pintar arcos-da-velha de colores polo ar,
quando escreves o meu nome num espelho ou num cristal,
ao acendermos uma rádio este som poder ouvir,
miro-te aos olhos de cote para poder-che assim dizer...
Quero-te mais, quero quero-te mais
que a tortilha de patacas com jamão,
quero-te mais, quero quero-te mais,
cada vez que me lateja o coração.
Maite zaitut, maite maite za itut,
que a tortilha de patacas com jamão,
maite zaitut, maite maite zaitut,
cada vez que me lateja o coração.
http://www.txantxangorria.eus/
/ euskalkaraokeak
Euskal musikaren txokoa karaoke formatuan.
Arquivado en:
Infórmate > Vídeos
15/08/2023 | 9:18
Historias de vida: Manuel Ramos Cid. Albardeiro, talabarteiro
Nestes días de agosto, unha vez máis, como cada vez que os nosos apeiros de labranza necesitan unha reparación, unha posta a punto acudimos onde o Manuel Ramos. Estes materiais, que empregamos, agora coa Terra e antes co Fariñeiro, xa sexa para pasear co carro ás crianzas que participan no pobo escola ou para preparar a terra (sementar, plantar, aireala...) seguen sendo necesarios para a tracción animal. Velaquí un oficio, o de talabarteiro ou albardeiro que foi evolucionando e fixo posible un montón de cintos para as pantallas. Mans que traballan o coiro; mans que saben de peles, curtidos... Historias de vida.
Arquivado en:
Infórmate > Vídeos
19/07/2023 | 3:47
A noite de San Xoán en Lodoselo
Festexamos a noite de San Xoán en Lodoselo coas rapazas e rapaces do proxecto Fain.
A noite de San Xoán, unha noite para xogar e divertirse, esquecer os problemas, queimar os apuntamentos, saltar a cacharela, unha noite para pasalo ben, na compaña da nosa xente, no noso medio.
Despedimos o curso e festexamos a chegada do verán.
Arquivado en:
Infórmate > Vídeos
23/06/2023 | 5:22
Resumo do traballo do CDR “O Viso” no proxecto FAIN.
Ás veces cómpre ver para entender.
Esto é un pequeniño resumo do traballo do CDR “O Viso” no proxecto FAIN.
A pesar das moitas dificultades que vivimos dentro deste proxecto ao comezo, fundamentalmente polas eivas burocráticas, conseguimos que o proxecto collese rumbo e que FAIN sexa a día de hoxe ACEPTACIÓN INCONDICIONAL, AXUDA, CONFIANZA, RESPECTO…
"FAIN: Familia e Infancia" é un proxecto subvencionado pola Xunta de Galicia-Consellería de Política Social e Xuventude, a Administración Xeral do Estado e pola Unión Europea-NextGenerationEU.
Arquivado en:
Infórmate > Vídeos
13/04/2023 | 15:32
Contra o despoboamento (CDR O Viso e Portas Abertas: Coceder)
Vídeo do noso programa contra o despoboamento rural e a plataforma de COCEDER volveralpueblo.org, no que os centros de desenvolvemento rural Portas Abertas e O Viso (Ourense) explican o seu traballo de asesoramento individualizado coas persoas que queren ir vivir ao pobo e varias familias novas poboadoras dan testemuño da súa experiencia.
Arquivado en:
Infórmate > Vídeos