As organizacións preseleccionadas acudiron a Lisboa, este 4 de novembro e están a celebrar a innovación e a excelencia nos servizos sociais. Na noitiña deste día as tres compañeiras en representación da Confederación de Centros de Desenvolvemento Rural, con Tamara, a presidenta, á cabeza fixéronnos chegar esta boa nova.

Despois de revisar máis de 100 solicitudes innovadoras e impactantes, o panel de xuíces seleccionou 45 organizacións de 19 países para ser preseleccionadas nas seis categorías. Proxectos inspiradores que contribuíron ao desenvolvemento de comunidades máis resilientes e inclusivas en todo o mundo.
COCEDER era unha das que fora preseleccionada como entidade finalista dos premios Europeos de Servizos Sociais (ESSA) na categoría de excelencia nas comunidades co seu proxecto BIOCUIDADOS.
Os Premios anuais de Servizos Sociais Europeos  recoñecen os logros máis destacados en materia de servizos sociais. Organizados pola Rede Social Europea os galardóns teñen como obxectivo tanto identificar e promover as mellores prácticas nos servizos sociais, como recoñecer o excelente traballo realizado neste campo en toda Europa, e facilitar así traballar xuntos e apoiarse para mellorar a súa práctica.
O tema desta edición 2024 é "Promover comunidades inclusivas". Comunidades nas que as persoas poidan participar plenamente nos seus espazos, lugares, actividades e eventos, independentemente da súa idade, capacidade, ingresos ou orixes.
https://essa-eu.org/excellence-in-communities/
O noso programa BIOCOIDADOS: Novos modelos de coidado prestados pola comunidade, centrados na persoa, en contornas rurais, experimentouse na construción, rexeneración e mantemento de comunidades acolledoras, inclusivas e xeradoras de apoios e coidados como instrumento crave de recuperación de vitalidade demográfica (fixación de poboación) económica (servizos) e social (capital social) e como solución para unha vertebración do territorio rural e cohesión social. Biocuidados está a transformar a atención na España rural ao pasar de modelos institucionais a solucións personalizadas impulsadas pola comunidade. O proxecto apoia a poboacións vulnerables, incluídas as persoas maiores, as persoas con discapacidade e as que corren o risco de quedar illadas. Ao aproveitar os recursos locais e adaptar os plans de vida ás circunstancias individuais, Biocuidados mellora a autonomía persoal e alenta aos residentes para permanecer nas súas comunidades. Implementado en 18 áreas rurais, o proxecto constrúe comunidades máis fortes e inclusivas. Esta iniciativa impactou positivamente en 491 persoas e xerou coñecementos e metodoloxías valiosos para a atención rural, co potencial de influír en futuras políticas sociais. Enmarcado no Plan de Recuperación, Transformación e Resiliencia da Secretaría de Estado de Dereitos Sociais do Ministerio de Dereitos Sociais, Consumo e Axenda 2030, está financiado por fondos NextGenerationEU.