MANIFESTO
Rexeitamos rotundamente os ataques executados por EEUU e Israel contra Irán, que supoñen unha violación do dereito e a legalidade internacional. Son unha grave ameaza para a paz na rexión e un perigo para a paz mundial.

Condenamos con enerxía o réxime criminal dos aiatolás e o asasinato de miles de persoas nos últimos meses. Todo o noso apoio ao pobo iraniano, e en especial ás mulleres, na súa loita pola democracia e a igualdade. É o pobo iraniano quen debe decidir o seu futuro.

Pero nada xustifica os salvaxes bombardeos de EEUU e Israel co asasinato de centos de inocentes.

Chamamos ás e os demócratas para condenar esta agresión, defender o dereito internacional e traballar por unha paz xusta e duradeira en Oriente Medio, que debe incluír o fin do xenocidio en Gaza e o recoñecemento dos dereitos do pobo palestino de acordo á legalidade internacional.

E chamamos a toda a sociedade a acudir o vindeiro sábado 14 de marzo a todas as concentracións convocadas pola plataforma PararLaGuerra.es en máis de 150 poboacións de todo o país.

 

https://docs.google.com/forms/d/e/1FAIpQLSfS4F7j2L8GWXYJuEksWsuHBuqE9j8aJpRFmdVVjo8XdQd6bw/viewform

Vémonos en Xinzo de Limia este sábado, día de feira, ás 12h na Praza Maior.