O vindeiro sábado, 12 de xullo, ás 11h, PararLaGuerra.es convocamos á cidadanía para encher as rúas e as prazas pola Paz en Oriente Próximo, polo Fin do Xenocidio en Palestina. O que está a ocorrer en Gaza é un xenocidio que ten como obxectivo final o exterminio e a limpeza étnica de máis de dous millóns de gazatíes, a metade dos cales son menores. Estamos ante un dos momentos máis crueis e mortíferos da matanza que o goberno israelí leva vinte meses perpetrando na Franxa. Todos os días cometen unha infinidade de crimes de guerra, bombardean hospitais e escolas, destrúen vivendas, infraestruturas de auga potable e saneamento e condenan á fame negra total ao pobo palestino. Este inferno é especialmente cruel coas nenas e nenos, que segundo as advertencias da ONU poden comezar a morrer por miles ao día se non chega a axuda humanitaria de maneira inmediata.

Está en perigo a Paz na rexión e en todo o mundo. Os bombardeos de EEUU e Israel sobre Irán supuxeron un salto na escalada de guerra e na posibilidade dun conflito internacional de imprevisibles consecuencias.
Trump e Netanyahu son unha ameaza para a paz mundial e responder é unha prioridade para os e as demócratas, para todos os pobos do mundo. É o momento de transformar a indignación que percorre o mundo, nunha acción pacífica, unitaria e solidaria contra o xenocidio e pola paz. A guerra non nos é indiferente, porque “é un monstro grande e pisa forte, toda a pobre inocencia da xente”.
PararLaGuerra.es chamamos a toda a cidadanía, sen distinción de ideoloxías ou credos, sen importar a rexión ou o país no que se viva, a apoiala mobilización e a acudir ás concentracións pola Paz e polo Fin do Xenocidio do próximo 12 de xullo. https://pararlaguerra.es/

 

MANIFESTO: