Accesibilidad

Noticias 

© CDR O Viso | 07/03/2023 | FEGADACE. Reunión

FEGADACE (proxecto Rumbo) e o CDR O Viso (proxecto Biocoidados)

Interese compartido polo pleno desenvolvemento das persoas cunha gama amplia de necesidades.

07/03/2023 | Xinzo de Limia

O pasado día 1 de marzo tivemos unha reunión nos locais do CDR na rúa Ladeira en Xinzo de Limia con Carla Miranda, traballadora Social de FEGADACE (Federación Galega de Dano Cerebral- https://www.fegadace.org). Begoña Hermida, directora da Federación, que foi a que propuxo este encontro, finalmente non puido participar ese día.
Os temas tratados foron a presentación do "Proxecto Rumbo: un modelo de autonomía persoal conectada e inclusiva" que FEGADACE está ejecuntando en Galicia e a do Proxecto Biocuidados: contextualización, obxectivos, metodoloxía, estratexia comunitaria na Comarca da Limia.
Os acordo alcanzados foron:  Asinar un convenio de colaboración entre as dúas entidades; establecer un traballo coordinado para a atención especializada a persoas con Dano Cerebral Adquirido que participan no programa Biocuidados ou que participan noutros Servizos Comunitarios do CDR; programar Talleres/charlas informativas (nutrición, autocuidados, coidado da persoa coidadora.....) que poidan ser de interese para as persoas participantes nas reunións grupais que se están facendo en diferentes localidades da Comarca.
Nesta liña de carácter formativo fixemos fincapé nas necesarias directrices das terapeutas ocupacionais para as adaptacións nos fogares á hora de facelos accesibles; a formación das persoas que traballan en asistencia persoal; ou a resposta a necesidades máis específicas como a de logopedia.
Mesmo nos fixeron partícipes da posibilidade de retomar unha actividade como as sesións de cine que nalgún tempo faciamos (cine de verán) xa que teñen un ciclo de cine. Ou a formación en liña da que dispoñen para algúns temas específicos (sexualidade - dano cerebral).


 

Arquivada en:
Infórmate > Noticias