Infórmate > Noticias 

Noticias 

Mobilización a favor da Sanidade Rural o próximo 3 de outubro
Compartir en Facebook Compartir en Twitter

28/09/2020 | A Limia

Será ás 12 horas fronte aos centros de saúde para esixir unha sanidade pública de calidade no medio rural.

1 de 1

O CDR O Viso (integrado en COCEDER)  apoia esta mobilización xunto aos colectivos da España Baleirada pedindo a necesidade dun cambio de modelo na Sanidade pública.

A Coordinadora da España Baleirada mobilizarase en favor da Sanidade Rural o día 3 de outubro ás 12 da mañá con cinco minutos de concentración como xa fixo o ano pasado. Nesta ocasión será fronte aos consultorios e/ou centros de saúde baixo o lema baixo os lemas # EuParoPoloMeuPobo e # SanidadeRuralDigna, no que se esixirá unha sanidade pública de calidade no medio rural que garanta as mesmas coberturas e prestacións de que se dispón nas zonas urbanas, e que ademais atenda as especificidades destes territorios.

COCEDER e os CDR(s) únense así a varios colectivos sociais e plataformas que traballan a favor da transformación social en diferentes pobos, para pedir a necesidade dun cambio de modelo na Sanidade pública, para garantir o acceso ao dereito básico á saúde nas mesmas condicións ás persoas que viven nos territorios da España Baleirada.

Fronte a un modelo asistencial, propoñemos un modelo sociosanitario que integre na planificación dos programas de saúde pública aos profesionais sanitarios xunto aos profesionais dos servizos sociais, ás entidades locais, á poboación e as estruturas sociocomunitarias existentes en cada territorio.

Esiximos que se manteñan abertos e activos os consultorios locais, propoñemos crear a figura do sanitario rural e un programa básico de saúde pública nas zonas rurais fundamentado na prevención; reivindicamos dotar do persoal necesario para atender unha poboación dispersa e envellecida aos centros de saúde comarcais.

Así mesmo, esiximos o cumprimento da Lei Xeral de Sanidade, dotando a todas as áreas de saúde dun equipo multidisciplinar e que se convoquen con regularidade os Consellos de Saúde comarcais e reivindicamos unha cobertura informática adecuada.

Ante esta nova mobilización, a España Baleirada insta a que os concellos, asociacións e colectivos sociais mostren o seu apoio por escrito ao documento “Por un Modelo Socio-sanitario de Saúde no Mundo Rural” que debe asentarse en catro alicerces fundamentais: as persoas en primeiro lugar, os profesionais da saúde, as estruturas sociocomunitarias e o territorio.

A realidade da pandemia evidenciou as carencias e limitacións do sistema sanitario, agudizadas aínda máis no mundo rural pola escaseza de profesionais e a falta de planificación, onde non se restableceu aínda o servizo de atención primaria nos pobos e corre o risco dun progresivo desmantelamento. Nas semanas máis críticas da pandemia, nos territorios rurais suspendeuse a atención presencial nos consultorios locais e a atención aos veciños limitouse ás consultas telefónicas, a tramitación das receitas (en moitos casos coa colaboración veciñal e comunitaria), as urxencias e algúns coidados ineludibles aos enfermos crónicos concertados con citación previa. Esta situación excepcional e provisional prolongouse no tempo de maneira inxustificada e, despois de case tres meses, a atención primaria continúa confinada nos centros de saúde e a poboación dos núcleos locais, constituída maioritariamente por persoas maiores. As persoas dos pobos son maioritariamente persoas maiores, moitas veces con enfermidades ou doenzas crónicas por mor da avanzada idade. Sen servizos que cubran as necesidades básicas xérase inseguridade entre os habitantes dos pobos e fai imposible a permanencia ou o retorno a eles. A figura do médico de atención primaria ou médico de familia é esencial desde unha concepción humanista da sanidade e debe ser potenciada ao máximo, máis no mundo rural. Por iso apostamos por reivindicar esta figura e facer atractivo para os profesionais da saúde o desenvolvemento da súa carreira nos pobos. Ademais, o concepto de saúde comunitaria non se centra só na atención ás enfermidades, senón que busca o benestar integral das persoas e a protección das estruturas comunitarias que aseguran os coidados que necesitan. Polo que hai que coordinar nos programas de saúde a outras persoas e profesionais ademais dos sanitarios: profesionais que vixían a calidade das augas e os alimentos, expertos na agroecología, organizacións que defenden o territorio, etc.

O movemento da España Baleirada manterá anualmente este tipo de accións baixo o lema # EuParoPoloMeuPobo, de maneira que a principios de outubro convocará todos os anos unha acción de cinco minutos como o que se fixo o 4 de outubro de 2019 para reivindicar o Pacto de Estado polo reequilibrio territorial e contra o despoboamento. A partir deste ano, cada unha destas accións estará centrada nunha demanda específica da España Baleirada que nesta ocasión será a reivindicación dunha sanidade rural digna, porque non podemos permitir que a pandemia do coronavirus sexa unha escusa encuberta para recortar servizos sanitarios nas zonas rurais e implementar un modelo desde as administracións públicas que siga recortando dereitos.

COCEDER é unha ONG de Acción Social de ámbito estatal declarada de utilidade pública que se fundou en 1991. COCEDER é unha entidade comprometida coa igualdade de oportunidades, o desenvolvemento sostible e o respecto polo medio ambiente. Está formada por 21 entidades sen ánimo de lucro que funcionan de maneira autónoma e solidaria en proxectos de acción integral para a transformación social e o dinamismo económico e cultural en diferentes comarcas españolas. Os eixos que vertebran a súa acción son a atención prioritaria dos sectores desfavorecidos, os valores da convivencia intercultural e o desenvolvemento sostible a favor dun medio rural activo e dinámico. A calidade do seu traballo vén avalada por unha traxectoria de máis de 40 anos de acción e permanencia en diferentes zonas do país, así como pola concesión da Certificación EFQM de Excelencia Europea á Calidade na Xestión. COCEDER tamén desenvolve desde 2008 diversos proxectos de Cooperación ao Desenvolvemento en África e América Latina e forma parte activa das principais organizacións do Terceiro Sector como a Plataforma de ONG de Acción Social, POAS –onde é membro da Xunta Directiva–, a Rede EAPN España (Rede Europea de Loita contra a Pobreza) e a Rede Rural Nacional do Ministerio de Agricultura, Alimentación e Medio Ambiente.

Arquivada en:

Infórmate > Noticias

MATERIAIS RELACIONADOS
Noticias

Hosting por

banner

        

 

 
Boletín
 

 

Mantente informado/a

 

Recibe o noso boletín

Máis info

Acepto a política de privacidade. FUN INFORMADO, ENTENDO E AUTORIZO O TRATAMENTO DE DATOS PERSOAIS

 

aceptacookies