Infórmate > Noticias 

Noticias 

¡Novo curso!: aproveitamento e conservación do medio natural
Compartir en Facebook Compartir en Twitter

23/01/2017 | Lodoselo

Curso de 80 horas con prácticas en empresa, a partir do 6 de febreiro

1 de 1

Confírmase que o Curso de aproveitamento e conservación do medio natural, subvencionado pola Consellería de Política Social da Xunta de Galicia, o Ministerio de Sanidade, Servizos Sociais e Igualdade e o Fondo Social Europeo, será a primeira gran formación de 2017 no CDR O Viso.

O curso levarase adiante en febreiro, e como vén sendo habitual nas nosas últimas formacións técnicas constará dunha parte teórico-práctica nas instalacións de Lodoselo e outra práctica nunha empresa. A formación será impartida por dous especialistas no sector de luns a venres a partir do luns 6 de febreiro dende as 16.00 ata as 20.00. Nela combinarase a formación teórica co aprendizaxe de labores prácticas que posteriormente han de aplicar nas 40 horas prácticas.

O sector forestal pasa por ser un dos futuros estandartes da comarca da Limia nos próximos anos. Cos diferentes ciclos formativos impartidos nos centros locais e a capacidade da que a nosa terra dispón, non pode ser doutra forma. De ahí que o CDR O Viso teña postos os seus ollos na capacitación da xente da que nun futuro dependerán as nosas fragas, eidos e montes.

Se tes interés nel, pódeste informar a través de calquera dos métodos de inscrición habituais do CDR: chamando ao 988.461.571, acudindo ao noso centro de información no número 1 da Praza Maior de Xinzo, mandando un correo a info@cdroviso.org ou unha mensaxe á nosa páxina de Facebook http://www.facebook.com/ovisocdr.

Tralo éxito de formacións como as de axudante de cociña e español para emigrantes, no CDR O Viso estamos a traballar para un 2017 moi formativo.

Arquivada en:

Infórmate > Noticias

MATERIAIS RELACIONADOS
Noticias

Hosting por dinahosting.

banner

Boletín

Mantente informado/a

Recibe o noso boletín

Máis info