Noticias
Que ben o pasamos no Concilia!
O mércores, segundo prato
02/01/2017 | Lodoselo
Como ben poñen en valor proxectos como Educación Infantil Familiar ou o Pobo Escola, no CDR O Viso temos un forte compromiso con que as novas xeracións da Limia a leven ben dentro. Concilia no Nadal é como un especial de Nadal na nosa programación.
O mércores pasado tivemos a primeira das dúas xornadas de este ano. Menos mal que o bo tempo deixounos facer moitas cousas divertidas, porque tralos xogos musicais do comezo xa non había quen nos parase!
Acomodamos aos animais. Deshidratamos mazás, peras, plátanos, mandarinas. Fixemos unha zoadeira. Ata plantamos acivros, por todos os que nestas datas se usan como árbore de Nadal!
Concilia no Nadal xorde para ofertar unha alternativa de tempo libre na época que lle da nome, ademais de como axuda á conciliación nestas datas. Catro anos avalan xa a traxectoria dun dos proxectos máis característicos do inverno do CDR.
Arquivada en:
Infórmate > Noticias