Noticias
© CDR O Viso | 28/11/2017 | Nos IES
Outro 25 de novembro
Rompendo a cadea
27/11/2017 | A Limia
Para rematar o noso recorrido polos centros fixemos dúas paradas nos IES Cidade de Antioquía e Lagoa de Antela. Levamos a cabo actividades relacionadas coa campaña "Rompendo a cadea", analizando os micromachismos presentes na música actual, estereotipos e linguaxe sexista. Coa simboloxía dunha tixeira para romper todos eses conceptos e situacións. Moitas grazas á mocidade por tanta implicación e gañas de romper coa violencia!
Outro 25 de novembro para reivindicar un mundo sen violencia contra as mulleres, para lembrar a tódalas guerreiras e seguir loitando contra esta lacra.
Pola mañá estivemos na praza cunha mesa informativa rompendo coa violencia mediante unha dinámica de globos, e concienciando ás persoas da gravidade deste tema mediante imaxes reais de mulleres maltratadas. Ás 12.00, o noso compañeiro Juan procedeu á lectura do manifesto, pedindo que este día reivindicativo pase a ser de celebración por poñer fin a esta triste realidade.
Pola tarde, mozas e mozos, de Xinzo de Limia e arredores, xogaron un partido de fútbol sala metendo goles por tódalas valentes, equipos mixtos onde se respiraba moito respeto e solidaridade, con un resultado final perfecto de empate.
E para fechar este día, a peza de microteatro "Angustia Fabricada" interpretada polo actor Aarón Gallego e a actriz Carla Fernández, curtiña pero con un alto contido emocional. E unhas fermosas palabras escritas por Alba, unha alumna de 3 de ESO do IES Cidade de Antioquía que nos emocionaron moito a tod@s. Moitas grazas a cada un e cada unha de vós por participar e unirvos a nós nesta causa!
http://www.kizoa.es/Editar-Videos-Movie-Maker/d154754239kP552837324o2l1/25-de-nov-2017-2
Arquivada en:
Infórmate > Noticias