Noticias
© POIG | 24/02/2022 | POIG
Participamos no encontro entre entidades colaboradoras na POIG
Plataforma de Organizacións da Infancia de Galicia
24/02/2022 | Santiago de Compostela
No día de onte 22.02.2022, en Santiago de Compostela participamos no encontro entre entidades colaboradoras na Plataforma de organizacions da infancia de Galicia (POIG); entidades como a Cruz Vermella, Axuda en Acción, Asociación Centro Trama, Meniños, Fundación Diagrama, Amencer, CDR “Portas Abertas”, CDR "O Viso"… A POIG, é una plataforma territorial enmarcada no marco xeral de acción da Plataforma da Infancia estatal.
Onte traballáronse puntos como a promoción dos dereitos da infancia, a campaña de sensibilización do 20N, a promoción de órganos de participación da infancia e adolescencia… entre outros, mediante grupos de traballo como os de participación, protección…
Tamén neste encontro aprobáronse as modificacións dos puntos acordados nos estatutos e os da modificación do Regulamento de Réxime Interno da POIG.
A POIG é unha asociación conformada por 35 entidades da comunidade, sen prexuízo de realizar actuacións estatais e internacionais a favor do bo trato á infancia e adolescencia en Galicia, para protexer e promocionar os seus dereitos fundamentais. O seu interese é incrementar o benestar da infancia, denunciar e facer seguimento das situación que vulneren os dereitos das persoas menores de idade.
Constituíuse o 11 de abril de 2018, coa misión de aunar os esforzos das entidades que traballan no ámbito da infancia e de crear un espazo de coordinación que defenda, promova e protexa os dereitos dos nenos, nenas e adolescentes conforme á Convención sobre os Dereitos do Neno no territorio galego.
Arquivada en:
Infórmate > Noticias